Aférese

foto trípticoA aférese é unha forma especial de doazón. Neste proceso extráese un pequeno volume de sangue, sepárase o elemento necesario (plaquetas e/ou plasma) mediante material estéril e restitúese o resto dos compoñentes ó doador. Ó doar un só compoñente e manterse estable a cifra dos glóbulos vermellos, a frecuencia de doazón mediante aférese pode ser maior.
Non existe risco para a saúde do doador nin debilita o seu organismo. Os elementos obtidos proveñen dun só doador, polo que se garante unha maior calidade transfusional. Os requisitos para ser doador de aférese son:
  • Idade entre 18 e 60 anos.
  • Pesar máis de 50 kg.
  • No padecer actualmente nin no pasado enfermidades transmisibles a través do sangue (hepatite B, C, SIDA...).
  • Non tomar aspirina nin productos que conteñan ácido acetilsalicílico durante os tres días anteriores á doazón.
Unha soa doazón de plaquetas mediante aférese equivale á mesma cantidade que se obtén en oito doazóns convencionais. Un doador de aférese é unha persoa extraordinaria. Cando recibe unha chamada para doar, sabe que un enfermo precisa urxentemente un compoñente do seu sangue, e que só el está especialmente cualificado para darllo.

boton volver
Powered by Iranon e I Latina IRANON é unha marca rexistrada de Análisis y Desarrollo de Software, S.L.
Unha producción de I latina, S.L.
© Irmandade de Doadores de Sangue. A Coruña 2001. Reservados tódolos dereitos.