Cada un pode chamala
como queira, pero a cidade debería ter un único nome
oficial, e este debería ser A Coruña xa que esta é unha
cidade galega. Para quen di que sempre foi La Coruña e que
así aparece nos distintos documentos, ¡en fin!, se se refire
ós documentos escritos desde que empezou a denominada polos
Reis Católicos “Doma e castración de Galicia” e se
empezou coa castelanización de todo o que se escribía en
Galicia, pois ten razón. Pero non é certo que na Coruña se
fale castelán desde sempre, a estes coruñesistas de “pacotilla”
diríalles que fosen a ver en que idioma están escritas as
inscricións da igrexa de Santa María do Campo ou Colexiata,
unha das máis antigas de Coruña (de antes de que empezase a
imposición do castelán). A parte de ser A Coruña unha
cidade de orixe mariñeiro (aínda hoxe o é nunha parte
importante) e ser a galego aínda hoxe o idioma que falan
estes coruñeses (por certo esto recordame unha afirmación
racista sobre os inmigrates do campo á Coruña que se
escribiu aquí, como dicindo que eran Coruñeses de segunda).
É curioso que non nos importe dicir
Oporto e non El Puerto, pero que a algúns lles custe tanto
asumir A Coruña.
