3. ¿ Que formas temos de colaborar?

Apadriñamento. Quince respostas sobre o Apadriñamento

  Unha foto. Ese é o comezo. Carlos sorrí dende Caranavi, unha aldea de Bolivia. A moitos miles de quilómetros, na Coruña, Eduardo tamén sorrí. Pensan nas escolas, nos pozos, nas moitas cousas que estan construindo xuntos. É o comezo dunha bonita amizade.

1. ¿QUE É?
O apadriñamento é a forma máis común de colaborar con Axuda en Acción. A axuda dos padriños permite mante-los proxectos de desenvolvemento que melloran as condicións de vida dos nenos, familias e comunidades máis desfavorecidas do Terceiro Mundo.
2. ¿QUE SABEREI SOBRE O NENO? Cando unha persoa apadriña un neno recibe un expediente que inclúe unha foto e os seus datos personais e familiares (data de nacemento, número de irmáns,...), ademais dun informe sobre os problemas da zona e sobre o que pretende facer Axuda en Acción no proxecto. Un par de veces ó ano o padriño terá noticias sobre a marcha do proxecto e unha carta ou debuxo do neno.
3. ¿PODO ESCRIBIRLLE?
Por suposto que si e tantas veces como desexe. Gústanlles moito as postais.Fale con el de temas comúns que o neno poida entender e comparar co seu entorno: o tempo, a familia, ...
4. ¿PODO VISITALO?
Se tes cartos e tempo suficiente, anÌmate.É unha experiencia única. Non esquezas avisar un par de meses antes ás nosas oficinas en Madrid, alí porante en contacto con algún membro de Axuda en Acción do país que queres visitar para que te acompañe ó proxecto.
5. ¿É POSIBLE QUE O NENO VEÑA A ESPAÑA?
O neno ten a súa familia, os seus amigos, a súa cultura,... é innecesario sacalo do seu entorno. Debemos ser realistas e non perder de vista cal é o fin da nosa axuda: pecharlle as portas á pobreza.
6. ¿PODO FACERLLE AGASALLOS?
Son varios os motivos polos que non se deben facer agasallos ós nenos. Por unha banda, hai que ter en conta as diferencias culturais Por outra banda, o resto dos nenos poden sentirse discriminados.
7. ¿XORDE ALGÚ/N VÍNCULO LEGAL ENTRE O NENO E O PADRIÑO?
O padriño non ten ningunha potestade sobre o neno quen xa ten a súa propia familia. Ó neno se lle presenta o padriño como un amigo, por iso é preferible utilizar este termo na correspondencia.
8. ¿DE QUE PAÍSES SON OS NENOS?
Axuda en Acción traballa en 12 países de América Latina ( Nicaragua, O Salvador, México, Bolivia, Ecuador, Perú) e África (Etiopía, Kenia, Uganda, Malawi) e en Asia (India e Nepal).
9. ¿EN QUE LINGUA É A CORRESPONDENCIA?
En tódolos países, salvo en América Latina, é en inglés. Se desexas que che traduzan as cartas podes mandalas ás oficinas da ONG en Madrid ou Barcelona.
10. ¿QUE IDADES TEÑEN OS NENOS?
Apadriñanse en idade escolar, é dicir, dos 3 ós 11 anos. 1
1. ¿ PODO ELEXIR O PAÍS OU O SEXO DO NENO?
En cada proxecto se apadriñan tantos nenos como cartos se necesitan para mantelo. Por iso, en principio, trátase dunha elección de Axuda en Acción que depende das necesidades, é dicir, dos proxectos que precisen cartos nese momento.
12. ¿CANTO COSTA?
A cota de apadriñamento é de 2.500 ptas ó mes, pagadeiras tamén ó trimestre (7.500 ptas.), ó semestre (15.000 ptas.) ou ó ano (30.000 ptas).
13. ¿QUE SE FAI COS CARTOS?
A cota de apadriñamento non beneficia só ó neno senón a toda a comunidade. Axuda en Acción traballa, xuntamente cos beneficiarios, nos seguintes eidos: producción e comercialización, saúde, educación, medio ambiente e capacitación en tódalas áreas.A idea é que cando a ONG se retire, estas comunidades sexan autosuficientes.
14. ¿CANTO DURA O MEU COMPROMISO? Cando un apadriña a un neno non queda obrigado a manter esa axuda por un tempo determinado. Posto que os nenos só se apadriñan mentres están na escola, cando finalice esta etapa Axuda en Acción automaticamente enviaralle a ficha dun novo neno.
15. ¿CAL É A DIFERENCIA CO SOCIO COLABORADOR?
-As aportacións dos padriños van a proxectos xa en marcha. As dos colaboradores destínanse á creación e ó desenvolvemento de novos proxectos: non contribúen cunha cota fixa (o mínimo é de mil pesetas ó ano) nin reciben cartas de nenos, pero infórmaselles sobre a marcha do proxecto co que colaboran.

· Socio colaborador:
A túa aportación destinarase ó estudio, reación e desenvolvemento de novos proxectos que axuden a máis xente. Servirá tamén para favorecer aqueles que xa existen. Mínimo de 1.000 pesetas ó ano.

· Donativos:
Podes colocar no teu lugar de traballo, na túa empresa, un peto de Axuda en Acción, para que os teus compañeiros realicen donativos. Podes pedilos ós comités locais da ONG.

· Institucións:
Empresas, fundaciones y entidades privadas prestan su colaboración profesional, patrocinan actividades y donan fondos y materiales para apoyar los objetivos de Ayuda en Acción.

· Fondos Oficiais:
Organismos e instituciones públicas, Gobiernos Centrales, Autonómicos y Ayuntamientos destinan un porcentaje de los fondos públicos que recaudan a la financiación de proyectos de desarrollo.

· Voluntariado
Faite voluntario. Contacta con algún dos seis comités locais que Axuda en Acción ten en Galicia. Así, colaborarás en actividades que xerarán cartos destinados ós proxectos da ONG.

· Merca Material da ONG
Podes mercar, enviando unha carta a Axuda en Acción en Madrid, camisetas, xogos infantís e libros. Os que viven na cidade da Coruña poden mercalos na tenda que temos na rúa Orillamar, número 26. Ven polo noso local, ven polo noso mundo.